Alandi आळंदीत पालखी सोहळ्या निमित्त लोकशिक्षणपर कार्यक्रमांचे आयोजन

१७ ते १९ जून इंद्रायणी नदी घाटावर पर्वणी 

विश्वशांती केंद्र आळंदी - माईर्स एमआयटी तर्फे उपक्रम 

आळंदी ( अर्जुन मेदनकर ) : विश्वशांती केंद्र (आळंदी ), माईर्स एमआयटी, पुणे व श्री क्षेत्र आळंदी-देहू परिसर विकास समिती यांच्या संयुक्त विद्यमाने १७ ते १९ जून या कालावधीत श्री संत ज्ञानेश्वर-तुकाराम ज्ञानतीर्थ, विश्वरूप दर्शन मंच, श्री क्षेत्र आळंदी येथे पालखी प्रस्थान सोहळ्याच्या निमित्ताने युनेस्को अध्यासन अंतर्गत लोकशाही, मानवाधिकार, शांती व सहिष्णुतेसाठीचा लोकशिक्षणाच्या अभिनव उपक्रमाचे आयोजन करण्यात आले आहे. या निमित्त व्याख्यान / प्रवचन / कीर्तन व भक्ती संगीत भजनाचे विविध कार्यक्रम होणार आहेत. युनेस्को अध्यासन प्रमुख व विश्वशांती केंद्र ( आळंदी ), माईर्स एमआयटी, पुणेचे संस्थापक अध्यक्ष प्रा.डॉ. विश्वनाथ दा. कराड व श्रीक्षेत्र आळंदी देहू परिसर विकास समितीच्या समन्वयक प्रा. स्वाती कराड-चाटे यांनी माहिती दिली. 

मंगळवारी ( दि.१७ ) सायंकाळी ५.१५ वाजता उद्घाटन सोहळ्या प्रसंगी शांतीब्रह्म ह.भ.प. मारुती महाराज  कुर्‍हेक, मुख्याधिकारी माधव खांडेकर, आळंदी देवस्थानचे प्रमुख विश्वस्त योगी निरंजननाथजी, ह.भ.प. जालिंदर विश्वनाथ मोरे, पालखी सोहळा प्रमुख डॉ. भावार्थ देखणे, ह.भ.प  बापुसाहेब मोरे-देहूकर, बाळासाहेब काशीद, ह.भ.प. विष्णू महाराज केंद्रे, ह.भ.प. डॉ. तुकाराम महाराज गरुड,  ठाकुरबुवा दैठणेकर आदी उपस्थित रहाणार आहेत.

तीन दिवसांच्या या महोत्सवात सायंकाळच्या ५.१५ ते ६.१५च्या सत्रात श्रीक्षेत्र नेवासा येथील ह.भ.प. उध्दवमहाराज मंडलिक, परभणी येथील ह.भ.प.डॉ. तुकाराम महाराज गरुड ठाकुरबुवा दैठणेकर यांची व्याख्याने / प्रवचने होणार आहेत.

सायंकाळच्या ७ ते ९ च्या सत्रात ठाणे येथील ह.भ.प. जगन्नाथ महाराज पाटील आणि प्रसिद्ध कीर्तनकार ह.भ.प.बाबामहाराज सातारकर यांच्या कन्या ह.भ.प.श्रीमती भगवतीताई दांडेकर (सातारकर) व ह.भ.प.चिदंबरेश्वर महाराज साखरे यांची कीर्तने होणार आहेत.

रोज रात्री ९.१५ ते ११.३०च्या सत्रात ज्ञानेश्वरी गाडगे यांचा भक्तीसंगीताचा कार्यक्रम, आसावरी बोधनकर-जोशी यांचा भक्तीचा ओलावा हा भक्तीसंगाचा कार्यक्रम, पंडित रघुनाथजी खंडाळकर, सुरंजन व शुभम खंडाळकर यांचा संतवाणी गायनाचा कार्यक्रम होणार आहे.

तसेच सकाळच्या सत्रात ह.भ.प. ज्ञानेश्वर माऊली करंजीकर, संत सावळाराम महाराज परंपरेचे पाईक ह.भ.प. जयेश महाराज भाग्यवंत व वारकरी भूषण ह.भ.प. पोपट महाराज कासारखेडकर यांची कीर्तने होणार आहेत.

 त्याचप्रमाणे दुपारी २ ते ४.३० वाजेपर्यंत ह.भ.प. अनिरुद्ध महाराज कारकर, ह.भ.प.बळवंत पांचाळ, ह.भ.प.तुकाराम पांचाळ, गोपाळ ढेंबरे, ह.भ.प.अनिरुद्ध नालेगांवकर यांचा अभंगवाणी कार्यक्रम होईल.  ह.भ.प. अभिमन्यू आबा पांचाळ, ह.भ.प.संतोष साळुंके, ह.भ.प. वैभवराजे सोळंके, ह.भ.प.रोहितजी खवले यांचा सांप्रदायिक अभंग गवळणीचा कार्यक्रम आणि राजा परांजपे प्रतिष्ठान निर्मित अभंगरंग हा कार्यक्रम गायक श्रेयस बडवे, ऋषिकेश बडवे, सौरभ काडगावकर व संपदा थेटे यांचा अभंगवाणीचा कार्यक्रम सादर होणार आहे.

काकडा आरती, हरिपाठ, भजन व टाळ- मृदंगाची साथ एमआयटी हनुमान भजनी मंडळ व विश्वदर्शन देवता भजनी मंडळ, विश्वराजबाग, पुणे  यांचे तर्फे होणार आहे. युनेस्को अध्यासन प्रमुख व विश्वशांती केंद्र ( आळंदी ), माईर्स एमआयटी, पुणेचे संस्थापक अध्यक्ष प्रा.डॉ. विश्वनाथ दा. कराड व श्रीक्षेत्र आळंदी देहू परिसर विकास समितीच्या समन्वयक प्रा. स्वाती कराड-चाटे यांनी माहिती दिली.