Alandi आळंदीत माऊली जन्मोत्सवास मंदिरावर लक्षवेधी रोषणाई

श्री सिद्धेश्वर मंदिरात धार्मिक पर्वणीस भाविकांची गर्दी 

आळंदी मंदिरात देणगीदारांचे देणगीचा ओघ सुरू

आळंदी ( अर्जुन मेदनकर ) : श्री संत ज्ञानेश्वर महाराज संजीवन समाधी मंदिरात माऊलींचे ७५० व्या जन्मोत्सवास हरिनाम गजरात प्रारंभ झाला आहे. या निमित्त मंदिरात विविध धार्मिक कार्यक्रमास तसेच श्रावण महिन्या निमित्त आळंदीतील पुजारात शिवपीठ श्री सिद्धेश्वर मंदिरात भाविकांनी रांगा लावून दर्शन घेतले. यावेळी भाविक शिवभक्तीमय उत्साहात दिसत होते. आळंदी मंदिरात देणगीदारांचे देणगीचा ओघ सुरू असून सुवर्ण कलश उपक्रमास मोठा प्रतिसाद मिळाला आहे. यात कोट्यावधी रुपये देणगीतून तसेच सोने वस्तू दान मिळाले आहे. अद्याप देवस्थानने किती रोख रक्कम, धनादेशा द्वारे किती रक्कम आणि थेट बँकेत ऑनलाईन किती रक्कम जमा झाली. गुप्त दान किती मिळाले यांची सविस्तर माहिती जाहीर केली नाही. १५ ऑगस्ट पर्यंत आळंदी देवस्थान सुवर्ण कलश उपक्रमास देणगी स्वीकारणार असल्याचे मात्र जाहीर आवाहन केले आहे.

   मंदिरात १० ते १६ ऑगस्ट २०२५ या कालावधीत श्रींचे ७५० व्या जन्मोत्सावाचे कार्यक्रमा निमित्त मोठ्या प्रमाणात मंडप टाकण्याचे काम देवस्थानने हाती घेतले आहे. मुख्य मंदिर शिखर, श्री सिद्धेश्वर महाराज मंदिर, श्री मुक्ताई मंदिर, भोजलिंग काका, श्री केसरीनाथ मंदिर शिखरावर, दर्शनबारी, महाद्वार, मंदिर परिसर आदी ठिकाणी विद्युत रोषणाईने मंदिरास सोनेरी तसेच विविध रंगी बेरंगी झळाळी विद्युत रोषणाईची माध्यमातून देण्यात आली आहे. माऊली मंदिरात श्रींचे सुवर्ण कलश उपक्रमास मोठ्या प्रमाणात देणग्या येत असून मंदिरात उपव्यवस्थापक तुकाराम माने यांचे हस्ते देणगीदारांचा श्रींची प्रतिमा, उपरणे, शाल, श्रीफळ देऊन सत्कार करण्यात आले. 

  जन्मोत्सवात सोमवारी गाथा भजन, डॉ. नारायण महाराज जाधव यांची प्रवचन सेवा, वारकरी शिक्षण संस्थेचे वतीने सोमवारी ( दि. ११ ) ह. भ. प. परमेश्वर महाराज यांची सुश्राव्य कीर्तनसेवा  झाली. यावेळी भाविकांनी श्रवण सुखाचा लाभ घेतले. रात्री भजन सेवा आदी धार्मिक कार्यक्रम हरिनाम गजरात झाले. परंपरांचे पालन करीत मंगळवारी ( दि. १२ ) रोजी गोविंद महाराज गोरे यांचे प्रवचन, पुरुषोत्तम महाराज पाटील यांची कीर्तन सेवा हरिनाम गजरात झाली. मोठ्या उत्साहात श्रींचा जन्मोत्सव साजरा होत आहे. आळंदीकर ग्रामस्थ यांचे तर्फे मोठ्या उत्साहात अन्नदान महाप्रसाद वाटप होत आहे. यास मोठा प्रतिसाद ग्रामस्थांनी पुढे येत अन्नदान सेवा भक्तिमय उत्साहात होत आहे. श्रावणा निमित्त परिसरातील शिव मंदिरांत भाविकांनी श्रींचे दर्शनास गर्दी केली होती. भाविकांनी रांगा लावून दर्शन घेतले. यावेळी श्रींची पूजा, अभिषेख वेदमंत्र जयघोषात झाले. श्री वैतागेश्वर महाराज, श्री सिद्धेश्वर महाराज, श्री धनेश्वर महाराज मंदिरात भाविकांनी दर्शनास गर्दी केली होती. 

  आळंदीत देणगीरांचा ओघ सुरूच असून माजी नगरसेवक सागर भोसले, संतोषराजे भोसले, माजी उपाध्यक्ष रामदास भोसले, पांडुरंग भोसले, उत्तम भोसले, गणेश भोसले, परिवाराने भरीव देणगी देत सुवर्ण कलश उपक्रमास हातभार लावला.

  श्री ज्ञानेश्वर माऊलींच्या ७५०  व्या जन्मोत्सवा निमित्त सुवर्णकलशासाठी वडगावकर परिवाराकडून एक लाख ५५ हजार २५० रुपये देणगी दिली. देवस्थानचे विश्वस्त योगी निरंजन नाथसाहेब, विश्वस्त पुरुषोत्तम महाराज पाटील, विश्वस्त राजेंद्र उमाप, विश्वस्त रोहिणी पवार यांच्या हस्ते नंदकुमार वडगावकर, संजय वडगावकर, सत्यम वडगावकर परिवार यांना माऊलीची प्रतिमा शाल व श्रीफळ देऊन सन्मानित करण्यात आले. माजी नगराध्यक्ष विलास कुऱ्हाडे पाटील, योगेंद्र कुऱ्हाडे पाटील, शंकरराव कुऱ्हाडे पाटील, रामभाऊ कुऱ्हाडे पाटील यांनी देणगी देत सुवर्ण कलश उपक्रमास मदत केली. विक्रम महाराज माळवे यांनी देणगी दिली. या प्रसंगी मंडूबाबा पालवे यांचे उपस्थितीत देवस्थान विश्वस्त पुरुषोत्तम महाराज पाटील यांनी त्यांचा सत्कार केला.       

विलास सो. कुऱ्हाडे पाटील, गणेश कुऱ्हाडे पाटील, अमित कुऱ्हाडे पाटील यांनी सुवर्णा कलशास १ लाख ११ हजार, १११ रुपये देणगी दिली. माजी नगरसेविका प्राजक्ता घुंडरे, नितीन घुंडरे तसेच सुनील ज्ञानेश्वर घुंडरे पाटील यांनी ही देणगी देत सामाजिक बांधिलकी जोपासली.