आळंदीत शनिवारी कार्तिकी एकादशी ; लाखो भाविक अलंकापुरीत ; हरिनामाचा जयघोष

श्री संत नामदेवराय पादुका भेट माऊली मंदिर हरिनाम गजरात

श्रीगुरु हैबतरावबाबा दिंडीची मंदिरासह नगरप्रदक्षिणा 

 

आळंदी ( अर्जुन मेदनकर ) : तीर्थक्षेत्र आळंदीत शनिवारी ( दि. १७ ) श्रीचे ७३० व्या संजीवन समाधी दिन  सोहळ्यातील कार्तिकी एकादशी हरीनाम गजरात साजरी होत आहे. राज्य परिसरातून या सोहळ्यासाठी लाखो भाविक आळंदीत दाखल झाले आहेत. प्रारंभी श्री गुरु हैबतरावबाबा यांचे दिंडीची मंदिर आणि नगर प्रदक्षिणा परंपरेने जयघोषात झाली. भाविकांच्या अखंड हरिनामाने अलंकापुरी भक्तिरसात न्हाऊन निघाली.

 सोहळ्यात श्रीना पवमान अभिषेक, दुधारती, महानैवेद्य,धुपारती झाली. चारच्या सुमारास श्री गुरु हैबत राव बाबा यांचे दिंडीने मंदिर आणि नगर प्रदक्षिणा हरीनाम गजरात पूर्ण केली. शनिवारी ( दि. १७ ) 

) सोहळ्यात कार्तिकी एकादशी साजरी होत आहे. यानिमित्त पहाटे पवमान अभिषेख,  दुधारती, ११ ब्रम्हव्रुन्दाचे वेदमंत्र जयघोष, श्रीना महानैवेद्य, श्रीचे पालखीची नगर प्रदक्षिणा, धुपारती,परंपरेने ह.भ.प. संतोष महाराज मोझे यांचे वतीने हरिजागर सेवा रुजू होणार आहे.

 आळंदी नगरपरिषद, आळंदी देवस्थान, पुणे महसुल, पिंपरी चिंचवड पोलीस आयुक्तालय अंतर्गत आळंदी आणि दिघी पोलिस अधिकारी कर्मचारी वृंद, राज्य शासन आरोग्य विभाग सेवा, वीज महावितरण सेवा, विविध सेवाभावी संस्था यांचे वतीने भाविक - नागरिक यांचे साठी विविध सेवा सुविधा उपलब्ध करून देण्यात आल्या आहेत. आळंदी माऊली मंदिर परिसर , इंद्रायणी नदीघाट, आवेकर भावे रामचंद्र संस्थान आळंदी तसेच नदी घाट परिसरातील आकर्षक विद्युत रोषणाई भाविकांचे लक्ष वेधी ठरली. आळंदीत नदी किनाऱ्यासह शहरात सार्वजनिक आणि खाजगी संस्थानच्या मोकळ्या असलेल्या ठिकठिकाणी जागावर राहुट्यांमधून भजन, कीर्तन, प्रवचन वारकरी संप्रदायातील प्रथा परंपरांचे पालन करीत सुरु झालेले आहे. शहरात फिरताना हे ऐकू येत आहे. आळंदीत स्वच्छता गृहात पाण्याची सोय करून दिल्याने भाविकांची प्रशासनाने प्रभावी व्यवस्था ठेवल्याचे दिसत आहे.

  प्रदक्षिणा रस्ता आणि गोपाळपुरा, जुना आणि नवीन पूल परिसरात वारकऱ्यांचे गर्दीने रस्ते फुलले आहेत. इंद्रायणीत स्नान केल्यानंतर भाविक माउलींच्या समाधी दर्शनासाठी मंदिराकडे जात होते. भक्ती सोपान पूल दर्शन बारी यावर्षी वापरास बंद करण्यात आली आहे. यावर्षी लोखंडी स्काय वॉक मधून  मोठी रांग दर्शनास लावण्यात आली आहे. सकाळी भाविकांची श्रींचे चल पादुकांवर महापूजेची लगबग होती.  इंद्रायणी घाटावर, देऊळवाड्या बाहेर मठ, धर्मशाळा मध्ये वारकऱ्यांचे खेळ रंगले होते. वारकऱ्यांनी दिंड्यातून नगर प्रदक्षिणा केली. वारकऱ्यांचा आनंद भक्ती ओसंडून वाहत असताना कार्यक्रमांतून दिसून आले. माउलींचे मानाचे पालखी सोहळ्यासह दिंड्या चे आगमन झाले असून श्रीचे दर्शनासाठी भाविक गर्दी करीत होते. दुपारनंतर दर्शनास मंदिरात गर्दी वाढली. मंदिरात गुरुवारी ( दि.  १३ ) वीणा मंडपात बाबासाहेब देहूकर, वास्कर महाराज यांचे तर्फे कीर्तन सेवा झाली. तत्पूर्वी पहाटे पवमान अभिषेक, दुधारती, भाविकांचे चल पादुकांवर पूजा हरिनाम गजरात झाल्या. परंपरेने पहाटे पवमान अभिषेक, दुधारती भाविकांचे चल पादुकांवर महापूजा, महानैवेद्य, वीणा मंडपात गंगूकाका शिरवळकर, धोंडोपंत दादा अत्रे, वास्कर महाराज, वाल्हेकर महाराज यांचे वतीने कीर्तन सेवा शुक्रवारी होणार आहे. 

  आळंदी देवस्थान, आळंदी नगरपरिषद कार्तिकी सोहळ्यात भाविकांचे स्वागतास सज्ज झाले असून यावर्षी श्रींचा भव्य रथोत्सव द्वादशी दिनी होणार आहे. यासाठीची तयारी अंतिम टप्प्यात आली आहे. आळंदीत पोलीस प्रशासनाचे वतीने मोठा बंदोबस्त तैनात करण्यात आला आहे. भाविकांचे आरोग्य सुस्थीर राहावे यासाठी आरोग्य सेवा देखील सज्ज असून मोठ्या प्रमाणात औषध साठा ठेवण्यात आला आहे. आळंदी शहरात भाविकांचे सोयीसाठी आरोग्य सेवा केंद्रे विकसित करण्यात आली आहेत. या केंद्राचे नियंत्रण आळंदी ग्रामीण रुग्णालयाच्या अधीक्षिका डॉ. उर्मिला शिंदे यांचे नियंत्रणात होत आहे. 

 आळंदी पोलीस स्टेशनचे वरिष्ठ पोलीस निरीक्षक भीमा नरके, पोलीस नाईक मच्छिन्द्र शेंडे यांनी वरिष्ठ कार्यालयाचे तसेच अधिकारी यांचे मार्गदर्शनात बंदोबस्त तैनात केला आहे. 

  आळंदी नगरपरिषद मूह्याधिकारी माधव खांडेकर यांनी राज्यातून आलेल्या भाविकांना नागरी सेवा सुविधा देण्यासाठी कंबर कसली आहे. यासाठी पुणे जिल्हाधिकारी जितेन्द्र डूडा, प्रांत अनिल दौन्डे यांचे मार्गदर्शनात नियोजन केले आहे. आळंदीतील यात्रा काळात अखंड वीज पुरवठा रहावा. यासाठी महावितरण कनिष्ठ अभियंता रावसाहेब पाटील यांनी शहरात वीज वितरण यंत्रणेची देखभाल दुरुस्तीची कामे हाती घेऊन पूर्ण केली आहेत. आळंदी देहू परिसर विकास समितीचे माध्यमातून इंद्रायणी नदी घाटावर सहिष्णुता सप्ताहाचे आयोजन विश्व्शांती केंद्राचे अध्यक्ष डॉ. वि.दा. कराड यांचे मार्गदर्शनात करण्यात आले आहे. यास भाविकांची मोठी दाद मिळत आहे. आळंदी मंदिर परिसरातील रस्ते भाविकांचे गर्दीने फुलले आहेत.