श्रींचा पालखी सोहळा पंढरपूरकडे मार्गस्थ
या प्रसंगी पंढरपूर येथील श्री विठ्ठल रुख्मिणी मंदिरे देवस्थान समितीचे विश्वस्त माउली महाराज जळगावकर देशमुख, श्री पांडुरंगराय पालखी सोहळा प्रमुख अधिपती ह.भ.प. विठ्ठल महाराज वासकर, पुजारी कुलदीप कुलकर्णी, दिघी पोलीस स्टेशनचे वरिष्ठ पोलीस निरीक्षक प्रमोद वाघ आदी मान्यवरांचा सत्कार ट्रस्टचे संस्थापक अध्यक्ष अँड विष्णू तापकीर यांचे हस्ते शाल, श्रीफळ, उपरणे देऊन करण्यात आला. या प्रसंगी ट्रस्टचे खजिनदार दत्तात्रय गायकवाड, काशिनाथ तापकीर, मनोहर भोसले, राजेंद्र नाणेकर, रमेश घोंगडे, गजानन महाराज सोनुने, माउली महाराज करंजीकर, तुकाराम महाराज ताजणे आदी मान्यवर उपस्थित होते.
प्रथा परंपरांचे पालन करीत अनेक वर्षां पासून श्री विठ्ठल रुख्मिणी मंदिरे समितीच्या वतीने पंढरपूर ते आळंदी पांडुरंगरायांच्या पादुका पालखी सोहळ्यातून आळंदीत कार्तिकी एकादशी सोहळ्या अंतर्गत माउलींच्या भेटीला येतात. आळंदी ते पंढरपूर पायी वारी पादुका पालखी सोहळा उरकून परतीचा प्रवास पादुका पालखी सोहळ्याचा प्रवास हरिनाम गजरात सुरू केला. अनेक वर्षां पासून पहिला मुक्काम श्री संत ज्ञानेश्वर महाराज थोरल्या पादुका मंदिरात होत आहे. यावेळी ट्रस्टच्या वतीने उपस्थित मान्यवराचे स्वागत व सत्कार तसेच सोहळ्याचा पाहुणचार मंदिरात करण्यात आला.
यानिमित्त अनेक भाविक वारकरी दिंडेकरी, टाळकरी, विणेकरी पालखी मुक्कामी येथे विसावले होते. या प्रसंगी परिसरातील नागरिक, भाविक यांनी पादुकांचे दर्शनास भाविकांची मोठ्या संख्येने गर्दी झाली होती. या वेळी पांडुरंगरायांच्या पालखी सोहळ्यातील वैभवी पादुकांची पूजा करून पादुकांना पुष्पहार, तुळशीहार, श्रीफळ, महाप्रसाद अर्पण करण्यात आले. श्रींची आरती हरिनाम गजरात झाली. श्रीना महानेवैद्य वाढविण्यात आला. मंदिरास लक्षवेधी पुष्प सजावट, विद्युत रोषणाई सेवा तसेच पुष्प उधळण करण्यात आली. लक्षवेधी रांगोळी काढत रोहिणी परतगुल्ले यांनी भाविकांचे लक्ष वेधले. भाविक व वारकरी यांना महाप्रसाद वाटप करण्यात आले.
Post a Comment
0 Comments